「♪又去買野~又去買野~」 

每次自由行去親日本，例行活動當然係血併，黎個出血大放題！日本時尚別樹一格，好多人都會專程過日本掃時裝。 疫情期間冇得返鄉下，儲定彈藥下次去旅行出血之餘都要學定幾句實用會話，咁就唔怕買野果時雞同鴨講了。

大家成日嘅去東京、大阪等，因為遊客眾多，大部分BOUTIQUE嘅店員都識簡單英文同埋普通話。基本上都唔使驚言語不通。不過去到小店，或者去非主要城市，就可能遇到唔識講英文或者普通話嘅店員。 

所以，今次同大家分享幾句買衫嗰陣常用嘅日文句子。 

①服裝顏色 

如果你有心水顏色，可以直接問店員有冇嗰隻色。 

「白ありますか。(Shiro arimasu ka?)」 

  延伸閱讀: 

<主要顏色> 

白　Shiro　白色 

黒　Kuro　黑色 

赤 　Aka　紅色 

黄色　Ki-ro　黃色 

青　Ao　藍色 

ピンク　Pinku　粉紅色 

ベージュ　Be-ju　米色 

茶色　Chai-ro　啡色 

  或者可以直接問店員有冇其他顏色。 

「他の色ありますか。(Hoka no iro arimasu ka?)」 

②試身 

難得去到日本，最好就試下啱唔啱身。費事番到香港先發覺唔啱身，要換貨就好麻煩。 

所以，揀到啱嗰件衫，想試啱唔啱身嗰陣，可以問店員…… 

「試着してもいいですか。

(Shi chaku shitemo i-desu ka?」 

  當試完身後覺得唔啱，想要大/細啲嘅碼嘅話，可以直接問店員有冇啱嗰個碼。 

「Mサイズはありますか。

(M saizu wa arimasu ka?) 」 

  值得留意嘅係，連身裙多數只提供單一SIZE - FREE SIZE （フリーサイズ），基本上大部分人都啱著。 

③問店員有冇新貨 

如果大家試完衫覺得啱，想問店員有冇新貨，就可以咁講…… 

「新しいものはありますか。」

(Atarashi mono wa arimasu ka?) 

④問店員有冇同質地/花紋但唔同款 

有時件衫設計好好,但又想要過第種款(長版、短版)就可以問: 

「同じパターン/生地の短いやつがありますか。」 

(Onaji pata-n/kiji  no mijikaiyatu ga arimasuka) 

 有以上幾句傍身，買衫就冇有怕! 希望疫情盡快完結，可以同大家再去日本旅行大出血啦!