去旅行，特別係去到日本，自然風景、歷史建築、下町風情乃至到各種期間限定的裝置藝術，見到靚嘅畫面難免忍唔住舉機拍攝。本身係觀光名勝嘅就當然影得放心，但如果係特色小店嘅店主、即直係食客面前烹煮嘅料理人，又或者係街上見到牽手溫馨漫步嘅老夫婦、帶著無邪笑容嘅小朋友，咁又點算好呢？ 

日本人一向追求「不帶俾人麻煩 （人に迷惑をかけないように」，影相係某程度上都可能會妨外到人，亦有機為人帶來不快感。而且日本人非常重視個人肖像權，擅自拍攝人物照及上載甚至有可能被指「肖像権侵害」，為自己惹黎麻煩。想做個受日本人歡迎嘅遊日達人，學識點樣問人可唔可以影相就絕對唔少得。 

【提問篇】 

「請問可以拍照嗎？」 

「写真を撮っても大丈夫ですか」 

「写真を撮ってもいいですか」 

係日本人嘅角度，突然搭話係會嚇親人嘅，記得開口之前加多句「すみません。」咁就更自然同可以令對方更舒服啦！ 

如果你想影嘅係包埋對方嘅樣入去的話，就要講清楚啲啦 

「請問可以影你嗎？」 

「あなたの写真をとってもいいですか」 

如果想拍嘅係影片，咁不就可以將「写真（しゃしん）」改為「動画（どうが）」。 

【回答篇】 

問咗，又唔代表一定可以影，考慮到店內嘅情況、會唔會影響其他客人，又或者對方自己嘅性格而會拒絕。回答嘅方式同句式有好多種，識唔晒都唔緊要，最重要聽到關鍵字！ 

→可以： 

もちろんです。（當然） 

いいです（可以的） 

いいよ（可以啊） 

OKです （OK的） 

どうぞ （請隨便） 

大丈夫 （無問題） 

構いません （唔緊要） 

→不可以： 

ちょっと （那個⋯⋯） 

撮影禁止 （禁止拍攝） 

ダメ （唔得） 

無理。（做唔到） 

すみません  （唔好意思） 

申し訳ありませんが （非常抱歉⋯⋯） 

撮らないでください （請不要影） 

記唔晒都唔洗擔心嘅，留意對方表達同身體語言，基本上都會推測到答案。 

【追記Q&A】 

問：係好遠距離而且焦點唔放係對方身上的話都要問？ 

答：其實都唔洗嘅，突然不過被陌生人嘅鏡頭對住難免都會有不安。即使唔係影對方嘅面貌，都盡量注意唔好令人感到不快。 

問：背影，或者單單只係手、腳等呢？ 

答：其實一般黎講都可以嘅，不過禮貌上都最好先問一句，尊重對方，又避免引起不快。 

問：店內，或者係CAFÉ、餐廳影相？ 

答：都係嗰句，問下冇壞，而且有一啲舖頭會考慮到其他客人而唔准影相，最好就留意下店門或者店內有冇貼上相關嘅標示。另一樣要留意嘅係，不論係飲食店抑或零售商品店，不斷影相但不作任何消費係一件好失禮嘅事啊！ 

問：可唔可以用三腳架？ 

答：因為三腳架阻礙到其他人嘅情況都比較多，亦有機會破壞地上嘅植物或者整污糟/損耗榻榻米，所以好多地方都有機會唔容許客人使用。植物、農地、多人行經嘅道路，又或者榻榻米上都建議盡量唔好。要用嘅時候問一問就最理想啦！ 

「ここに三脚を立てもいいですか？」 

「請問可以係度放三腳架嗎？」 

日本人係個好心思細密同顧慮他人嘅民族，去旅行都記得入鄉隨俗，做個討人喜愛嘅旅客，咁之後先會有更多開心旅程啊！