去日本旅行，都會去神社祈福，順便買幾個御守比朋友。

御守可以話係日本傳統神道文化入面最有代表性嘅物件之一。 

日本嘅御守又多色，又可以當送個祝福比人，掛係袋又好睇。 

今日就整合左關於御守嘅4樣小知識，有部份連日本人自己都未必知!

一齊睇下點樣將御守嘅功效發揮到最大! 

如可存放御守效果最佳? 

最理常係每日都帶係身邊，基本上就冇咩問題。但係如果唔方便帶出街的話。可以將御守放係屋企顯眼同比較高嘅地方，最好避免放收納係櫃桶或者箱入面啦。 

日本文化之中, 唔同種類嘅御守係有唔同嘅存放方法，

下列就搜羅左幾種比大家參考一下。 

戀愛:由於放係當眼處可能會有點難為情。建設放係手袋、背包，或者日程簿入面，隨身帶住又唔怕比人望到。 

學業:放係教材、筆袋、筆記本或者放係書桌上面最為常見。 

財運:最理想放係銀包，千祺唔好放係後袋果到! 

御守原來唔係一個個? 

我地平時係同朋友傾計，或者係神社買御守嘅時候會講，「1個、2個」咁數啦。 

日本人都唔例外，「1つ(Hitotsu)，二つ(Hutatsu)」，「1個(Iggo)，2個(nigo)」都係佢地常用嘅數法。 

但係原來，御守正確嘅量詞其唔係個個!  

傳統敬語文化係日本人嘅日常之中無處不在。而宗教信仰之中都唔例外。

御守嘅量詞係「體(日漢字:体)」。 

因為御守上面寄放住嘅係神明嘅恩德，為表敬意，神職人員盡可能希望大家都係用體字去數，而唔係用個啦! 

而廣東話入面呢，我地都係用個去數神明，而日文會用「一座」，或者「一柱」嘅特別量詞，留意返喇! 

持有多過一個御守會影響效果? 

有傳如果持有多過一個御守，或者來自唔同神社嘅御守會影響效果。 

事實上，參考過唔同神社嘅說法，持有複數御守表示會受唔同嘅神明加護，係唔會發生神明打架嘅情節(雖然我都想睇下神明打架嘅大場面，但日本文化似乎同部分動漫劇情有所出入，太可惜了)。 

御守只有一年期限?

有說法話御守有一年使用期限，過左期就會帶來厄運，係咪真架呢? 

一半半啦! 

有部份日本人的確有遵守傳統,入手一年之後歸還御守，再求過一道新。當然，求完之後唔還嘅都大有人在。 

御守載住神明嘅力量，日本人認為佢可以為人消災當劫。 

有人會怕道御守幫自己當左劫而自己都唔知，令到御守嘅力量會薄弱左，所以就會以一年為期限去歸還佢，再重新求過一道，為求同神明可以連繫得更緊密，同時表達自己嘅感謝之意。 

所以呢，與其話係御守過左期，倒不如話係為表誠意，所以就會一年求一道。 

大家平日見動漫或者日系青春電影入面，男女主角會為自己朋友同埋心儀對象求道御守，保佑佢地比賽，考試有好成績等等，睇見呢種情節真係心都暖埋。

小編同自己社內幾個日本人傾過，原來日本人嘅文化入面真係有呢樣野。

對方為自己特意去神社祈福，係極貼心嘅表現!

雖然同旅行買手信嘅本意有唔同，但大家都不妨帶返一道比朋友，奉上大家嘅心意!