大家入左日資公司做野，就會有大把機會要send日文E-mail俾日本Suppiler或客人。 

用日文寫商業E-mail，有好多潛規則同要留意嘅地方。日本職場文化黎講，第一印象係好重要。「挨拶メール」 夠得體的話，日後往往會得到你意想不到嘅好處。

如果你唔識敬語，唔知用咩語氣都唔緊要，  先由下面3點做起！ 

1. 上款要用敬稱

首先，上款要先打對方所屬公司嘅全名，然後再打對方職銜，最後再加對方姓氏再加上「様」。切記唔好打「さん」！當SEND E-MAIL俾社外嘅人，就要用尊稱去稱呼佢地。 

例：Littlefun株式会社　営業部　徐様 

NG例：徐さん、Littlefun　徐富效 

當一次聯絡就用「さん」，甚至「呼び捨て」(即直呼其名)來稱呼對方，就會好失禮，會俾人感覺到唔尊重。 

2.寒暄語句

之後，就同對方講「初めまして」(初次見面)。再報上自己名稱。 

例：初めまして、Mottofun株式会社　關菊英明と申します。 

(初次見面!我係Mottofun株式会社嘅關菊英明。) 

介紹完自己，就同對方講你加入左依家間公司。如果你係接替上手，就最好同人地講埋。 

例：このたび、5月1日付で編集部に配属になりました。 

（我係5月1日加入左編集部。）   

最後，就要客氣啲同人講你初黎報到，好多野都唔慣，可能會俾到麻煩你，但煩請多多指教。 

例：入社したばかりですので、不慣れな点も多くご迷惑をおかけする事もあるかもしれませんが、何卒ご指導・ご鞭撻のほど、よろしくお願い申し上げます。 

下款打自己個社名同姓就OK! 

例：Mottofun株式会社　關菊 

記住唔好手快快打左自己全名。有時對方係上司或者客人，因為趕住覆我地而冇寫下款或者公司名都係好想見。但因為對方在上位，作為下位嘅我地都要打返個整齊嘅下款。唔好失禮呀!。

頭先都講過，俾人嘅第一印象好緊要！有機會會影響到你日後嘅工作關係。唔好因為一時貪快而求其寫呀！ 

下次再同大家分享其他商業用語心得。 

範文： 

Littlefun株式会社　営業部 

徐様 

初めまして、 

Mottofun株式会社　關菊英明と申します。 

このたび、5月1日付で編集部に配属になりました。 

入社したばかりですので、不慣れな点も多くご迷惑を 

おかけする事もあるかもしれませんが、 

何卒ご指導・ご鞭撻のほど、よろしくお願い申し上げます。 

Mottofun株式会社　關菊