日資公司最鐘意搞「飲み会」，可以話係佢地特有嘅職場文化。

因為飲酒係佢哋抒發工作壓力嘅時候，所以佢哋好鐘意借啲意約飲酒，通常飲到夜一夜尾班車都走埋。

有時咁啱撞上「歓迎会」「送別会」「忘年会」等等，頻密嘅「飲み会」真係好chur。但前輩邀請到又唔好意思拒絕，所以唯有頂硬上應承，目標係早啲甩身！ 

今日就同大家分享下小編嘅精選句子。呢幾句係經過小編多年自身經驗同埋同事間總結出嚟又得體、日本人聽落受落又有用嘅講法。 

小編精選句子

「明日早くに予定があるので…」 
同事們一致同意最簡單嘅講法 

「ペットの世話をしなくちゃいけなくて…」 
有養寵物的話係最佳嘅籍口 

「今日鍵を忘れちゃって親が待っているので早く帰らないと…」 
唔記得帶鎖匙，非常適合大頭蝦形象嘅各位　 

「家族/恋人から具合悪いってメールきてて…」 
出動到屋企人或男女朋友唔舒服做理由，基本上係唔會有人唔比你走 

 除咗以上精選句子，一個識做嘅社會人一定要記得早走前要講返句： 

「最後まで参加できずにすみません。ここで失礼します。」　或者 

「本当にごめんね、またぜひ一緒に遊びましょうね！」 

配合小撇步　揀位嘅重要性 

如果你係想早啲走就記得唔好坐最入面，方便離開。另外，如果同場有前輩都係經常早走嘅話，記得mark實佢坐附近，當佢開聲話要走嘅時候就可以容易啲一齊走喇。 

要成為職場達人,敬語、禮儀好多時都冇人教，要自學。

來緊Mottofun會繼續同大家分享更多日資公司職場內幕，

等大家了解更多社會生態!